මුදල් අංශය

රජයේ ප්‍රසම්පාදන මාර්ගෝපදේශ, රජයේ චක්‍රලේඛ, මූල්‍ය රෙගුලාසි සහ භාණ්ඩාගාරය විසින් නිකුත් කරනු ලබන පරිපූරක හා රෙගුලාසි වලට අනුකූලව භාණ්ඩ,සේවා, වැඩ සහ උපදේශන සේවා ප්‍රසම්පාදනය කිරීම.
කාර්යයන්.

1. වාර්ෂික ප්‍රසම්පාදන සැලැස්ම සකස් කිරීම.
2. ප්‍රසම්පාදන කමිටු හා තාක්ෂණික ඇගයීම් කමිටු (T.EC.) පත් කිරීම.
3. ප්‍රසම්පාදන මාර්ගෝපදේශවලට අනුකූලව අමාත්‍යාංශයෙහි විවිධ අංශ විසින් සිදු කරන භාණ්ඩ හා සේවා ඉල්ලීම් ඉටුකිරීමට ප්‍රසම්පාදන ක්‍රියා මාර්ග ගැනීම.
4. ප්‍රසම්පාදන කමිටුව සම්බන්ධීකරණය කිරීම.

ඒ සඳහා පහත ප්‍රසම්පාදන විධික්‍රම යොදාගනු ලැබේ

1. ජාත්‍යාන්තර තරඟකාරි ලංසු තැබීම්.(ICB)
2. දේශීය තරඟකාරි ලංසු තැබීම් (NCB)
3. සීමිත ජාත්‍යාන්තර තරඟකාරි ලංසු තැබීම් (LIB)
4. සීමිත දේශීය තරඟකාරි ලංසු තැබීම් (LNB)
5. වෙළඳපොළ මිල සැකසුම් ක්‍රමය.
6. ඍජු කොන්ත්‍රාත් හා ප්‍රති ඇණවුම් කිරිම.

ප්‍රසම්පාදන විධික්‍රම තෝරා ගැනීම පහත කරුණු මත රඳා පවතී.

• ප්‍රසම්පාදනය කළ යුතු භාණ්ඩ හා සේවාවල ස්වභාවය.
• ප්‍රසම්පාදනයේ වටිනාකම.
• භාණ්ඩ හා සේවාවල දේශීය උපයෝජ්‍යතාවය සහ පිරිවැය.
• භාරදීමට අදාළ තීරණාත්මක දිනයන්.
• අරමුදල් සපයන ඒජන්සි සමඟ ගිවිසුම්ගත වීම.
• යෝජිත ක්‍රියාපටිපාටියේ විනිවිදභාවය.

ලංසු ලිපිලේඛන ලබා ගැනීම සඳහා අවශ්‍ය ලියකියවිලි.

• අදාළ ව්‍යාපාර ලියාපදිංචි කිරිමේ සහතික.
• ආපසු නොගෙවනු ලබන ලංසු තැන්පතුවෙහි මුදල් ගෙවීම් කළ කුවිතාන්සිය.

ලංසු සමඟ පහත ලියකියවිලි ඉදිරිපත් කළ යුතුය.

• දැන්වීමෙහි දක්වා ඇති පරිදි අභිලාශී ලංසුකරුවන් අනෙකුත් ලිපිලේඛන සමඟ ලංසු ලේඛන කට්ටලය භාර දිය යුතුය. ( ලංසු සුරක්ෂණයන් ලංසු ලේඛනයෙහි දක්වා ඇති නිශ්චිත වටිනාකම් වලට, අදාළ ආකෘතියට හා කාලසීමාවට අදාළ විය යුතුය.)
• ලංසු සමඟ ලංසු ඉදිරිපත් කිරීමේ පෝරමය නිසි පරිදි අත්සන් තබා අමුණා භාර දිය යුතුය.
• සියලුම ලංසු, දැන්වීමෙහි සඳහන් දිනයට හා නියමිත වේලාවට පෙර ඉදිරිපත් කළ යුතුය.
• ලංසු සමග ඉදිරිපත් කිරීමට නිදර්ශකයක් අවශ්‍ය වුවහොත් එය ප්‍රසම්පාදන දැන්වීමට අනුව අදාළ නිලධාරියා වෙත භාර දිය යුතුය.

තෝරා ගැනීමේ ක්‍රමවේදය.

තෝරා ගැනීම සිදු කරනු ලබන්නේ තාක්ෂණික ඇගයීම් කමිටු නිර්දේශ මත පදනම්ව ගනු ලබන තීරණ වලට අනුකූලවය.

විමසීම්:

දුරකථන අංක- 0112347392
ඊ-මේල්- procurement@industry.gov.lk